من الولادة للممات
سكة واحدة وماشى فيها
يمكن امشى من سكات!!!
يمكن اصرخ واجرى فيها
هى دنيا ولو تواتى
تترسم افراح يوماتى
وتتقلب على اللى يعاديها
وانتى .......
انتى ضحكة كل يوم
فرحة جاية تضمنى وتشدنى
وتقولى اوعاك تنحنى
ينزل شعاع الشمس
يترسم اسمك
ماهو انتى ضى الشمس
وطالعة علشانى
ياسكنة شريانى وكل وجدانى
والكلمة ف لسانى
مخلوقة من حسنك
انا وانتى عشقنا الكون
كرهنا الدنيا لما تخون
وتغدر بينا على سهوة
وكاننا كنا سراب
ودخان شيشة ع القهوة
وكبرياء الانثى فيكى
وطبع الشرقى جوايا
وبرغم ان الشوق ماليكى
رفضتى تكونى ويايا
ورفضت انا اى اعتذار
مش انكسار ده انتحار
ده انا اللى ميت بالبطئ
والخوف جرئ
ماشى ف طريق اخره مماتى
وانا ف حياتى حبيتك انتى
يامدينتى يا سمايا
احضنينى للنهاية
ومن حروف باسمك واسمى
اكتبى نهاية الحكاية