يابلدنا ياصابر

ياصابرة وشايلة الحمول على اكتافك
وازاى اعريكى بدال ماكون غطاكى ولحافك
وازاى اكون شوكة فى ظهرك والكل بيخافك
وازاى اكون سد فى طريقك بدال ماحقق كل اهدافك
ومين يشيل همومك غيرى ويكون شراعك ومجدافك
ده الكل بيجيكى يابلدى ويرجع بلده يوصف فى اوصافك

ياه يابلدى اد ايه انتى صابرة علينا بجد
صابرة وصبرك على ولادك ده فاق الحد
واللى بيتعمل فيكى لو كان فى جبل يتهد
يامصر ليه يخربوكى واحنا حاطين الادين ع الخد
يامصر ايه جرى لولادك اللى بنوا الاهرامات والسد

مصر مهما حيجرى فيها مصر راح تفضل عفيه
مصر بلد الدين والازهر مصرنا الصابرة التقية
يخربوها يكفروها يحرقوها مصر راح تفضل قوية
تعيشى يابلدنا حرة تعيشى يامصر صبية
تعيشى بالارض اللى طارحة فلاحينك لسه لابسين االطاقية

تنقطع ايد اللى دمر واللى خرب واللى يتطاول عليكى
مهما عملوا ومهما قالوا مين بقى يقدر عليكى
دا انتى حاضنة الكل فيكى مادة بالخيرت اديكى