ملِّيت أتصاحب على صاحب
بيصاحب صاحبى وينسانى
مبقتش أستغرب والأغرب
إنى من قبليها مجرَّب
والحل إنى أبعد وأتفرج
والأيام ماشية بتتهرب
لكن عمرى ماهرجع تانى
ياما جيت على نفسى كتير ياما
علشان صاحب ملهوش قيمة
بتقول ليا أنا عادى وفاكر
ان أنا هستحمل وهعدِّى
عدِّيت انا من ده كتير فاكر !
ولا هتعمل ناكر قصدى
ياخسارة وقت أنا ضيعته
ليه مشيت ورا قلبى وصدقته
والله أنا بندم ياخسارة
ضيعته عشان أحفظ وقتُه
فى الآخر يعمل أُستاذى
وإن أنا موجود لكن إسمى
مشطوب و معاه لكن منسي
ملِّيت أتصاحب على صاحب
بيهدِّنى ويهد كيانى
وإنْ جيت وعاتبتُه يقول عادى
ويكرر موقف والتانى
بعد ما فهمته إن أنا بزعل
لما بيتعامل بطريقته
على إنى مليش لزمة كأنى
بتعاقب من واحد تانى
متشكر يا صحابى و لكن
لما أمشى فمش هرجع تانى
بايعين فهبيع مش هتأثر
علشان متعود اتكسَّر
وأصَلَّح نفسى بشئ تانى