معلش مش عارف اكون غيرى
الشمس طلعت والنهار ماجاش
والناس بتتحرك بس ماصاحياش
كل الشوراع وحيده فى الزحمه
وتراب شوارعنا بيصرخ الرحمه
صوت الطريق مليان بشكاوى
والكل ماشى غصب ويقولك انا غاوى
دمى كان عالارض وهوا كان فرحان
محبوس فى قلعه خوف وتشوفه مالشجعان
ملى الطريق بالفرح وتشوف عنيه ضاحكه
وتلاقى دمعه غزير فى الضجه والزحمه
بلطج وعيش غلبان
ويااما تبقى فتوه يا اما حد جبان
الشمس ليه طالعه لما النهارغايب
متعوده غيابه ولا وعدها و خلف
وليه بتستناه وتصحى بدرى تشوفه
وهوا غايب براحته ولا دى ظروفه
غريب هيا الحياه
غاب الامل من زمان ولسه بستناه
زى الشمس
نهارها مات من زمان
وبرضوا تستناه
والليل بكل الامه بعده بتيجى حياه
وعشان طريق بيتنا مشتاق اعود تانى
والفرح راضى يعيش فى وسط احزانى
انا هابنى جسر امل وهاعدى من تانى