ذكريات زمان

عن القاعده الي لمتنا ف يوم مع بعض
عن السهره ف بيت واحد ونومه الارض
عن التطبيق ف ليله عيد
ومين بيظبط المواعيد
ومين هيوصل التاني
ومين راح يمشي من بدري عشان لسه طريقه بعيد
عن الي نكلمه يقول جاي
ومين هيشيل حساب الشاي
عن الي سارقنا ف الجوكر
ومش عارفين سرقنا ازاي
عن الصاحب عن المجدع
يكون مشغول وبيذاكر و ف امتحانات
و لو تحتاجه ينزلك ف ثانية وعمره مابيخلع
عن الايام
عن الاحلام
عن اللمه وع الحكايات ف اي كلام
عن الوقفه فوق الممشي
تلاته جنيه ف نص جنية ف خمسه جنية
احط فلوسي ف فلوسهم ونتعشي
عن الكليوباترا و الفيسروي و ع الشيشه و ع الدخان
عن السحلب وع القهوة ف كباية ومش فنجان
ع الطلعه الي نطلعها ف اي مكان
عن الجون الي جه فينا ده غلطه مين
وع الماتش الي جاي بكره هنحجز فين
و ع التهيس وع التهيص وع الافشات
وعم عوض بتاع الفول ومين قال هات
عن الكورسات وع الخروجات
سنين م العمر عيشناها يا احلي اصحاب
لو اكتب كل شئ بينا عاوزلي كتاب
وف الاخر حكايتنا بلا اخر مادومنا ف الحياة عايشين
انا مش ناسي حواديتنا وعارف انكم لسه اكيد فاكرين

وفقك الله. جميله جدا