مفيش رُبما
صباحك كروديا يا مصري انما
تكمل .. تبلم .. تعيش كيفما
طريقك قُصادك .. وعقلك ف راسك
هتعرف خلاصك مفيش رُبما
***..***
صباحك كروديا يا مصري انما
هتعرف خلاصك مفيش رُبما
***..***
مُخير ما بين الفراخ والصقور
ومعمول عشانك سيناريو ودور
يَ تشهد بحق وحقيق مش بزور
يَ ترضى بمهانتك بلاش أفلَمه
***..***
صباحك كروديا يا مصري انما
هتعرف خلاصك مفيش رُبما
***..***
تكمل .. تبلم .. هيفضل وطن
ومهما يسوقوا .. علينا الفتن
هنتحدى روحنا .. في كل المحن
وربك حامينا وحامي الحما
***..***
صباحك كروديا يا مصري انما
هتعرف . . خلاصك
مفيش .. رُبما .
#محمد_سلامه
من ديوان #فتَّحي_يا_ثوره
عدل سابقا من قبل محمد سلامه في الثلاثاء 22 أبريل 2014, 5:57 pm عدل 3 مرات
واضح أنك محترف
