الى شهداء بلادي ( معدل )

روحي بتسابق كلامي
واحد منهم لازم يطْلَع.
دِما ولادي إلي قدامي
تخلي قلوب الكافرين تِخشَع.
مين اللي مات النهارده ؟
سؤال معناه انتحر من كتر تكراره
داب الإختلاف والفرق بين جِدُه وهزاره
مين الي مات ؟ كلمني عن الاعداد
واحد ؟ لا بسيطة
دايستاهل يادوب (سلامات)
خمسة ؟ وإيه يعني
دا من قبل مات كتير ألافات
عشرة ؟ مية ؟ ألف ؟
بنكَفِّن ولادنا كإنهم سجاير لَفّ
جروح مفتوحة وبتنزف
وآل بالطبطبة عاوزين تبطل نزف
زمان قالوا الإيدين الي ماتقدر عليها
وطي و بوسها و داديها
ومالآخر يا حُكَّام مصر
كلام الشعب ما يرْجَع
شوفولكم حل من الاتنين
يا تِقطَع .. يا تِركَع AD